जितेन ठकुरी मेमोरियल कप जारी, अाइतबार समापन हुने

फलोअपः  नितेन मेमोरियल उच्च माविमा चलिरहेको आठौं जितेन ठकुरी मेमोरियल बास्केटबल प्रतियोगिताको लिग चरणको चौथो दिनको खेलहरु सम्पन्न भएको छ ।
ब्वाइज तर्फको २ समूह र गर्ल्स तर्फको २ समूह वीच भएको आजको खेलमा पहिलो समूहका माउण्ट कैलाश र मोक्षदा वीच प्रतिस्पर्धा भएको थियो जसमा ४५-३६ को अन्तरालमा माउण्ट कैलाशले जीत हात पारेको थियो ।
हिमालय ह्यापी चिल्ड्रेन एकेडेमी र संस्कृति इन्टरनेसनल वीच भएको दोस्रो खेलमा २१-१३ को अन्तरले ह्यापी चिल्डे्रन विजयी भएको थियो । तेस्रो खेल स्किब्स र रेडियन्ट वीच भएको थियो जसमा २७-१० को अन्तरले स्किब्सले जीत हासिल गरेको थियो । व्वाइज समूहको समूहको रेडियन्ट र ह्यापी चिल्डे्रन वीच भएको खेलमा ५०-४३ को अन्तरले रेडियन्ट विजयी भएको थियो । खेल आइतबारसम्म चल्नेछ ।