अाठौ‌ जितेन ठकुरी मेमाेरियल कप बास्केटबल प्रतियोगिता सुरु

राजधानीको टोखा स्थित नितेन मेमोरियल उच्च मा.वि ले विगत आठ वर्षदेखी विद्यालयका संस्थापक जितेन ठकुरीको स्मृतिमा आयोजना गर्दै आएको जितेन ठकुरी मेमोरियल अन्तरविद्यालय बास्केटबल प्रतियोगिता आइतबारबाट सुरु भएको छ ।
विद्यालयकी अध्यक्ष निकोल ठकुरीले स्व. जितेन ठकुरीको मूर्तिमा खादा ओर्ढाई पानसमा दीप प्रज्वलन गरी प्रतियोगिताको उद्घाटन गर्नुभएको थियो ।
प्रतियोगिता उद्घाटनको पहिलो दिनको खेल आयोजक निम्स र रेडियन्ट बीच भएको थियो । बराबरीमा रोकिएको प्रतिस्पर्धात्मक पहिलो खेलको थप समयमा निम्स स्कुल विजयी भएको थियो । 
त्यसै गरी गर्ल्स तर्फो दोस्रो खेलमा रेडियन्ट र मोनास्टिक बीच प्रतिस्पर्धा भएको थियो जसमा रेडियन्टले बिजयी हासिल गरी खेल १९-०४ को अन्तरमा खेल सकिएको थियो । 
मोनास्टिक र मोक्षदा बीच भएका तेस्रो खेलमा मोक्षदा विजयी भएको थियो भने गर्ल्स समूह वीच भएको अन्तिम खेलमा निम्स विजयी भएको थियो ।
पहिलो दिनको खेलमा पाँच वटा विद्यालयको सहभागिता थियो । प्रतियोगिता आगामी डिसेम्बर १६ सम्म जारी रहने छ ।