बेलायतमा नेपाली भाषा, संस्कृति प्रवर्धनमा नया आयाम

२५ नोवेम्बर २०१८, लण्डन बोरो अफ बेक्स्ली

लण्डन स्थित बेक्स्ली बोरोमा आज बि. एन. सी, नेपाली कल्चर र ल्यांगवेज स्कुलको फ्याल्कनउड/वेलिंग काउन्सिलर नईजेल बेट्स र स्थानीय नेपालीहरु माझ: उद्घाटन सम्पन्न भएको छ । नेपाली भाषा र संस्कृति प्रवर्धन गर्ने उद्देश्ले शुरु गरिएको यस कदम भबिस्यमा एउटा कोसेढुंगा साबित हुने विश्वास गरिएको छ । नेपाली भाषा र संस्कृतिको प्रवर्धनले नया पुस्तामा अपनत्व र पारिवारिक सम्बन्ध को विकास, सामाजिक पहिचान र परम्पराको जगेर्ना हुने आशा गरिएको छ । सो अवसरमा काउन्सिलर नाईजेल बेट्स को साथसाथै बेक्स्ली नेपाली कम्युनिटीक पूर्व अध्यक्ष केश बहादुर गुरुङ, उपाध्यक्ष उमा गुरुङ, पूर्व महासचिब आनन्द धरेल लाइ खादा लगाएर सम्मान गरिएको थियो । यस बेक्स्ली बोरोमा बिशेषगरी भू: पु: गोर्खाका परिवार, नेपालबाट हाई स्किल माइग्रेसन् प्रोग्राममा आएको नेपालीहरु र अन्य गरी २०० नेपाली परिवारहरु बसोबास गर्दै आएको छन् ।

स्थानीय काउन्सिलर बेट्सले नेपालीभाषामा आफ्नो नाम लेखेर कार्यक्रमको उद्घाटन गर्नुभएको थियो । सम्बोधनको क्रममा काउन्सिलर बेट्सले बहुभाषाको महत्व र यसले सानै उमेरमा पर्ने प्रभाव बारे मन्तब्य दिनुको साथै यस कदमलाई प्रसंसा गर्नु भएको थियो । यसै क्रममा बेक्स्ली कम्युनिटीका पूर्व अध्यक्ष केश बहादुर गुरुङज्युले सम्पूर्ण स्वयेम सेवक हरुको प्रयासलाई सराहना गर्नु भएको थियो भने महासचिव हरिश ज्ञवालीज्युले स्कुल प्रिन्सिपल बिजीता गौतम को साथसाथै सम्पूर्ण टिमका सदस्यहरुलाई धन्यवाद दिनुभयको थियो र यस प्रकारको कोर्सले बिद्यार्थीहरुमा खुलापन आउने, सहनशीलता र आदर/सत्कार को भावानाको विकासहुने बताउनु भएको थियो ।

यस स्कुलक संयोजक तथा  बेक्स्ली कम्युनिटीका कोषाध्यक्ष सन्जीब सुबेदीज्युले मुख्यत: दुइ उदेश्य; स्कुलजाने उमेरका नेपाली बिद्यार्थीलाई नेपाली भाषा र संस्कृति सिकाउने तथा ज्येष्ठ व्यक्तिहरुलाइ अंग्रेज़ी र कम्प्युटर सम्बन्धी सिप सिकाउने रहेको बताउनु भएको थियो । यसको लागी स्कुलले भबिस्यमा विभिन्न समन्वय कोर्सहरु संचालन गर्ने जसमा ब्रिटिश मान्यता र परम्परा पनि समाबेश गरिने बताउनु भएको थियो । अन्तमा उहाँले सम्पूर्ण टीमका सदस्यहरुलाई र बिशेषगरि कोर्स डिजाइनर उदय लम्साल ज्युलाई धन्यवाद दिनुभएको थियो ।

 
कार्यक्रम बेक्स्ली कम्युनिटीका उपाध्यक्ष उमा गुरुङको अध्यक्षतामा सम्पन्न भएको थियो भने महासचिव हरिश ज्ञवालीज्यु ले संचालन गर्नु भएको थियो । कार्यक्रममा बिद्यार्थी र तिनका अभिभावकहरु, बेक्स्ली कम्युनिटीका सदस्यहरु र अन्य गरेर ५०-६० जनाजतिको उपस्थिति रहेको थियो ।