काठमाडौ केन्द्रित आन्दोलनमा राहत शिक्षक

आईतवार २१ आश्विन, २०७५ गोखार्ली न्युज स‌‌म्वाददाता 5320

काठमाडौं-आँफुहरुलाई स्थायीको माग गर्दै देशभरका राहत शिक्षकहरुले आइतबार काठमाडौंको माइतीघर मण्डलामा बृहत प्रदर्शन गरेका छन् । अस्थायी शिक्षक सरह सेवा सुविधा पाउनुपर्ने, पोशाक दुर्गम भत्ता, स्थायी लगायतका सेवा सुविधामा राज्यले आँफुहरुलाई भेदभाव गरेको भन्दै देशभरका राहत शिक्षकहरु आन्दोलनमा होमीएको उनीहरुले बताए ।
अस्थायी शिक्षकहरुलाई आन्तरिक परीक्षा तथा गोल्डेन चेक मार्फत व्यवस्थापन प्रक्रियामा लगी सकेको अवस्थामा राहत शिक्षकको बारेमा अहिले सम्म राज्यले कुनै चासो नदिएको आन्दोलनरत शिक्षकहरुको गुनासो छ ।
आफुँहरुले राहत शिक्षकको रुपमा १६/१७ वर्षदेखि अविछिच्न रुपमा सेवा गर्दै आएता पनि राज्यले आफुँहरुको कुनै मूल्यांकन नगरेको उनीहरुको गुनासो छ । मलुकमा सबैखाले निर्वाचन भई स्थायी सरकार बनिसक्दा पनि राहत शिक्षकको मागको बारेमा कुनै सम्बोधन हुन नसक्नु दुखदायी भएको बताउँदै उनीहरुले वाध्य भएर गाउँगाउँबाट राहत शिक्षकहरु काठमाडौं केन्द्रित आन्दोलन गर्न आउनु परेको बताए ।
यस अघि आ-आफ्नो जिल्लाबाट पटक पटक आफ्ना मागहरुबारे कुरा उठाँउदै आएता पनि राज्यले आफुहरुको कुरा नसुनेको आरेाप लगाए । हाल नेपालका सामुदायिक विद्यालयहरुमा करिब ४० हजार राहत शिक्षकहरु कार्यरत रहेका उनीहरुको दावी छ ।
राहत शिक्षक केन्द्रीय संर्घष समितिको आयोजनामा भएको प्रर्दशनमा राहत शिक्षकको रुपमा कार्यरत नेपालभरका शिक्षकहरुको सहभागिता रहेको छ । अाँफुहरुको मागको बारेमा सरकारले वेवास्ता गरे राजधानी ठप्प पार्ने चेतावनीहरुकाे छ ।